Tenesta er meint for deg som skal starta eige føretak
eller som allereie er i gang. Ho gjer det enkelt å
sjekka om eit namn du ynskjer deg er oppteken eller i
konflikt med namn som allereie er registrert. Med eitt og
same søk sjekkar du både domenenamn,
føretaksnamn og varemerke.
Filmen Smart
start 
viser registreringsrekkefølgja .
Du finn meir informasjon i Altinn om val av namn
når du skal starte føretak.
Tenesta er eit samarbeid mellom Norid , som driv
registeret for norske domenenamn, Brønnøysundregistera og Patentstyret .
Tenesta gjer søk mot tre ulike registreringstenestar og
stiller saman resultata.
-
Domenesøket vert gjort mot Norids
oppslagsteneste for domenedata .
-
Føretakssøket vert gjort mot
Brønnøysundregistras
opne data oppslagstjeneste for einingsregisterdata .
-
Varemerkesøket vert gjort mot Patentstyrets
oppslagstjeneste for varemerke .
For å gje eit best mogleg resultat, tek tenesta utgangspunkt
i søkeorda og sjekkar kombinasjonar av desse. Kva for
kombinasjonar som vert testa avheng av kva som er tillatne
namn for kvar oppslagsteneste.
Resultatet vert presentert i eit samandrag. Ulike ikon vert
brukt for å visa status, som kan vera
- Ledig
- Opptatt
- Ulovleg
- Konflikt
For domene og føretak visast ledige namn først, sidan desse
som regel er ledige for registrering. For varemerke visast
namn som er i konflikt først, sidan desse kan vera til
hinder for å bruka namnet som varemerke. Elles visast status
for kvart namn, som då vil vera anten opptatt, ulovleg eller i konflikt.
Nedst i samandraget er det to knappar. Knappen Vis resultat viser fleire detaljar om
søkeresultatet. Der finn du óg ein knapp til informasjon om
korleis resultatet kan tolkast. Det detaljerte resultatet
under Vis resultat-knappen kan skjulast
med knappen Skjul resultat.
Tenesta krev at informasjonskapslar er aktiverte i
nettlesaren. Det vert nytta ein informasjonskapsel, __Host-namesearch, til å hugsa
språkval og til å mellomlagra resultata frå
oppslag.
Meir informasjon om informasjonskapslar hos Nasjonal
kommunikasjonsmyndighet (Nkom) .
Denne tenesta loggar kvar søkeoperasjon til ei lokal fil. Data
som vert logga er dato og klokkeslett for når søket vart
utført, sjølve søkeordet, og dessutan IP-adressa til utstyret
som søket kom frå. Sidan denne tenesta gjer eitt eller fleire
oppslag mot kvar av søketjenestene som er skildra ovanfor, vil
søkeord og tidsbruk mot kvar av desse loggast for å halde auge
med oppslagstida mot kvar av dei.
Loggen er berre for intern bruk. Han vil kunna sjekkast viss
det vert spørsmål om funksjonaliteten til tenesta, og
vert brukt til feilsøking og tekniske forbetringar. Loggen vert
fjerna automatisk etter sju dagar.